ದ್ವಿತೀಯ ಪಿಯುಸಿ ಕನ್ನಡ ಪದ್ಯಭಾಗದ ಭಾವಾರ್ಥ ರಚನೆ | 2nd Puc Kannada Padyabhagada Bhavartha Rachane

ದ್ವಿತೀಯ ಪಿಯುಸಿ ಕನ್ನಡ ಪದ್ಯಭಾಗದ ಭಾವಾರ್ಥ ರಚನೆ, 2nd Puc Kannada Padyabhagada Bhavartha Rachane Padyabhagada Bhavartha Rachane question and answer 2nd puc kannada workbook answers pdf 2nd puc kannada workbook answers grammar 2nd Puc Kannada Padya Bagada Bhavartha Rachane 2nd puc kannada bhavartha important ದ್ವಿತೀಯ ಪಿಯುಸಿ ಕನ್ನಡ ನೋಟ್ಸ್ pdf 2nd PUC Kannada Workbook Answers Chapter 1 Padyagala Bhavartha Rachane Questions and Answers 2nd puc kannada notes question and answer in kannada medium

ಪದ್ಯಭಾಗದ ಭಾವಾರ್ಥ ರಚನೆ

ಈ ಮುಂದೆ ಸೂಚಿಸಿರುವ ಪದ್ಯಗಳ ಭಾವಾರ್ಥ ಬರೆಯಿರಿ:

ನಾಗಚಂದ್ರನು ರಚಿಸಿರುವ ‘ಶ್ರೀರಾಮಚಂದ್ರಚರಿತ ಪುರಾಣ’ದಿಂದ ಆಯ್ದುಕೊಳ್ಳಲಾಗಿರುವ ‘ಕದಡಿದ ಸಲಿಲಂ ತಿಳಿವಂದದೆ’ ಎಂಬ ಕಾವ್ಯಭಾಗದಿಂದ ಈ ಮೇಲಿನ ಪದ್ಯವನ್ನು ಸ್ವೀಕರಿಸಲಾಗಿದೆ.

ರಾವಣನು ಚಿತ್ತನಿರೋಧವನ್ನು ಮಾಡಿ ಬಹುರೂಪಿಣಿ ವಿದ್ಯೆಯನ್ನು ಒಲಿಸಿಕೊಳ್ಳುತ್ತಾನೆ. ನಿಯಮಾನುಸಾರ ಪೂಜೆ, ಅಮೃತಾಹಾರವನ್ನು ಸೇವಿಸಿದ ನಂತರ ರಾವಣನು ಬಹುರೂಪಿಣಿ ವಿದ್ಯೆಯ ಪ್ರಭಾವವನ್ನು ಪರೀಕ್ಷಿಸಿಕೊಂಡ ನಂತರದ ಮನೋಭಾವವನ್ನು ಕವಿಯು ಈ ಪದ್ಯದಲ್ಲಿ ಚಿತ್ರಿಸಿದ್ದಾನೆ.

ವಿದ್ಯಾದೇವತೆಯ ಪ್ರಭಾವವನ್ನು ಪರೀಕ್ಷಿಸಿಕೊಂಡ ರಾವಣನು “ಮೂರು ಲೋಕಗಳಲ್ಲಿಯೂ ನನಗೆ ಸರಿಸಮಾನರು ಯಾರಿದ್ದಾರೆ? ಸಮರದಲ್ಲಿ ನನ್ನನ್ನು ಎದುರಿಸುವವರು ಯಾರಿದ್ದಾರೆ?” ಎಂದುಕೊಂಡು ತನ್ನ ಭುಜದಂಡವನ್ನು ನೋಡಿಕೊಳ್ಳುವನು. ಆ ಕ್ಷಣ ಅವನಲ್ಲಿ ಸೀತೆಯ ಕಮಲದಂತಹ ಮುಖವನ್ನು ವೀಕ್ಷಿಸಬೇಕೆಂಬ ಬಯಕೆ ಮೂಡಿತು. ಅವಳನ್ನು ಕಾಣುವ ಕಾತರಗೊಂಡ ಆತ ಹೂಬಾಣಗಳಿಲ್ಲದ ಕಾಮನಂತೆ ಸೀತೆಯು ಇದ್ದ ಪ್ರಮದವನಕ್ಕೆ ಬರುತ್ತಾನೆ. ಯುದ್ಧ ಸನ್ನದ್ದನಾಗಿರುವಾಗಲೂ ಆತನಲ್ಲಿ ಸೀತೆಯ ವ್ಯಾಮೋಹ ಕಾಡುವುದನ್ನು ಇಲ್ಲಿ ಗಮನಿಸಬಹುದಾಗಿದೆ.

ನಾಗಚಂದ್ರ ಕವಿಯು ಬರೆದಿರುವ ‘ಪಂಪ ರಾಮಾಯಣ’ದಿಂದ ಆಯ್ದುಕೊಳ್ಳಲಾಗಿರುವ ‘ಕದಡಿದ ಸಲಿಲಂ ತಿಳಿವಂದದೆ’ ಎಂಬ ಕಾವ್ಯಭಾಗದಿಂದ ಈ ಮೇಲಿನ ಪದ್ಯವನ್ನು ಸ್ವೀಕರಿಸಲಾಗಿದೆ.

ಸೀತೆಯ ಬಗ್ಗೆ ವ್ಯಾಮೋಹವನ್ನು ಕಳೆದುಕೊಂಡಿರುವ ರಾವಣನು ಪಶ್ಚಾತ್ತಾಪ ಪಡುತ್ತಿರುವ ಸನ್ನಿವೇಶವನ್ನು ಕವಿಯು ಈ ಪದ್ಧದಲ್ಲಿ ಚಿತ್ರಿಸಿದ್ದಾನೆ.

ಕರ್ಮವಶದ ನೆವದಿಂದ ಕಾಮಮೋಹಿತನಾದ ತನ್ನಿಂದಾಗಿ ತನ್ನ ಕುಲದ ಪೆಂಪು ಅಳಿಯಿತು ಎಂದು ಪರಿತಾಪಗೊಂಡ ರಾವಣನು “ಕಾಮಪೀಡಿತನಾಗಿ ತಾನು ಈ ಮಾನಿನಿಯನ್ನು ರಾಮನಿಂದ ಬೇರ್ಪಡಿಸಿದೆ. ಬೇರ್ಪಡಿಸಿ ಇಲ್ಲಿಗೆ ಕರೆ ತಂದು ಅಪಾರ ದುಃಖಕ್ಕೆ ಈಡು ಮಾಡಿದೆ. ಇದರಿಂದಾಗಿ ದುರ್ಯಶಃಪಟಹರವ ಎಲ್ಲೆಡೆ ತುಂಬಿಕೊಂಡಿತಲ್ಲ” ಎಂದು ಪಶ್ಚಾತ್ತಾಪ ಪಡುವನು. ತಾನು ಮಾಡಿದ ಆಕಾರ್ಯಕ್ಕಾಗಿ ದುಃಖಿಸುವ ರಾವಣನ ಮನಸ್ಸು ಪರಿವರ್ತನೆಗೊಂಡಿರುವುದಕ್ಕೆ ಅವನ ಈ ಆತ್ಮನಿರೀಕ್ಷಣೆಯ ನುಡಿಗಳು ಸಾಕ್ಷಿಯಾಗಿವೆ.

ಉರಿಲಿಂಗಪೆದ್ದಿಯು ಹನ್ನೆರಡನೆಯ ಶತಮಾನದಲ್ಲಿದ್ದ ಓರ್ವ ವಚನಕಾರ. ‘ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರ’ ಎಂಬ ಅಂಕಿತದಲ್ಲಿ ಆತ ವಚನಗಳನ್ನು ರಚಿಸಿದ್ದಾನೆ. ಆತನ ವಚನಗಳಲ್ಲಿ ಈ ಮೇಲಿನ ವಚನವು ಅತ್ಯಂತ ವಿಶಿಷ್ಟವೆನ್ನಿಸಿದೆ.

ಶಿವಲಿಂಗವನ್ನು ಮೈಮೇಲೆ ಧರಿಸಿದ ಶಿವಶರಣನಿಗೆ ಬೇರೆ ಯಾವ ಕೆಟ್ಟ ವಿಚಾರಗಳೂ ಕಾಡುವುದಿಲ್ಲ. ಉಳಿದುದೆಲ್ಲವೂ ತೃಣಸಮಾನವೆಂಬುದಾಗಿ ಉರಿಲಿಂಗಪೆದ್ದಿಯು ಈ ವಚನದಲ್ಲಿ ವಿವರಿಸಿ ಹೇಳಿದ್ದಾನೆ.

ಬಯಸಿದ್ದೆಲ್ಲವನ್ನೂ ಕೊಡುವುದು ಪರುಷದ ಮಣಿ. ಆ ಪರುಷದ ಗೃಹದಲ್ಲಿ ವಾಸಿಸುವವನು ಮನೆಮನೆಗೆ ಹೋಗಿ ಭಿಕ್ಷೆಬೇಡಬೇಕಿಲ್ಲ. ಅದೇ ರೀತಿ ಹರಿಯುವ ತೊರೆಯ ನೀರು ಕುಡಿಯಲು ಉತ್ತಮವಾದುದು. ಅಂತಹ ತೊರೆಯೊಳಗಿರುವವನು ಬಾಯಾರಿಕೆಯಾದಾಗ ತೊರೆಯ ನೀರನ್ನು ಕುಡಿಯುತ್ತಾನೆಯೇ ವಿನಾ ಕೆರೆಯ ಕೊಳಕು ನೀರನ್ನು ಹುಡುಕುವುದಿಲ್ಲ. ಇದರಂತೆಯೇ ಮಂಗಳಕರವಾದ ಶಿವಲಿಂಗವನ್ನು ಅಂಗದ ಮೇಲೆ ಧರಿಸಿದ ಶಿವಭಕ್ತರು ಅನ್ಯಲಿಂಗಗಳನ್ನು ನೆನೆಯುವುದಿಲ್ಲ ಎಂದು ಉರಿಲಿಂಗಪೆದ್ದಿಯು ಈ ಮೇಲಿನ ವಚನದಲ್ಲಿ ವಿವರಿಸಿದ್ದಾನೆ.

ಕುಮಾರವ್ಯಾಸ ಕವಿಯು ರಚಿಸಿರುವ ‘ಕರ್ಣಾಟ ಭಾರತ ಕಥಾಮಂಜರಿ’ ಎಂಬ ಮಹಾಕಾವ್ಯದ ವಿರಾಟಪರ್ವದಿಂದ ಸ್ವೀಕರಿಸಿರುವ ‘ಇನ್ನು ಹುಟ್ಟಿದೆಯಿರಲಿ ನಾರಿಯರೆನ್ನವೊಲು’ ಎಂಬ ಕಾವ್ಯಭಾಗದಿಂದ ಈ ಮೇಲಿನ ಪದ್ಯವನ್ನು ಆಯ್ದುಕೊಳ್ಳಲಾಗಿದೆ.

ಕೀಚಕನ ಕಾಟದಿಂದ, ತುಂಬಿದ ಸಭೆಯಲ್ಲಿ ಆತ ಕಾಲಿಂದ ಜಾಡಿಸಿ ಒದ್ದುದರಿಂದಾದ ಅಪಮಾನದಿಂದ ನೊಂದಿರುವ ದ್ರೌಪದಿಯು ಇನ್ನು ತನ್ನಂತೆ ಅಪಮಾನ-ದುಃಖಗಳನ್ನು ಅನುಭವಿಸಿದ ಹೆಣ್ಣುಗಳು ಹುಟ್ಟದಿರಲಿ ಎಂದು ಆಶಿಸುವ ಸಂದರ್ಭವನ್ನು ಕವಿಯು ಇಲ್ಲಿ ಚಿತ್ರಿಸಿದ್ದಾನೆ.

ದ್ರೌಪದಿಯು ಅತ್ಯಂತ ವೇದನೆಯಿಂದ ಆಡಿರುವ ಮಾತುಗಳು ಈ ಪದ್ಯಭಾಗದಲ್ಲಿದೆ. “ನನ್ನಂತೆ ಅವಮಾನದಿಂದ ಭಂಗಿತಳಾದ ಹೆಣ್ಣುಗಳು ಇನ್ನು ಈ ಭೂಮಿಯಲ್ಲಿ ಹುಟ್ಟದಿರಲಿ. ಭೀಮ ಸದೃಶರಾದ ಗಂಡಂದಿರು, ಪಾಂಡವರು ಮತ್ತು ನನ್ನಂತೆ ಅತಿ ದುಃಖದಿಂದ ಬಳಲಿ ನವೆದವರು ಹಿಂದೆ ಯಾರೂ ಈ ಭೂಮಿಯಲ್ಲಿ ಹುಟ್ಟಿರಲಿಲ್ಲವೆನ್ನಿಸುತ್ತದೆ. ಮುಂದೆಯೂ ಹುಟ್ಟದಿರಲಿ” ಎಂದು ದ್ರೌಪದಿಯು ದುಃಖದಿಂದ ಹೇಳಿಕೊಂಡಿದ್ದಾಳೆ. ಅವಳು ಅನುಭವಿಸಿರುವ ಅಪಮಾನ-ದುಃಖದ ತೀವ್ರತೆಯನ್ನು ಇಲ್ಲಿ ಗಮನಿಸಬಹುದು.

ವರಕವಿ ಎಂದೇ ಪ್ರಸಿದ್ದರಾಗಿರುವ ದತ್ತಾತ್ರೇಯ ರಾಮಚಂದ್ರ ಬೇಂದ್ರೆಯವರು ರಚಿಸಿರುವ ‘ಬೆಳಗು ಜಾವ’ ಎಂಬ ಕವಿತೆಯಿಂದ ಈ ಮೇಲಿನ ಚರಣಗಳನ್ನು ಆಯ್ದುಕೊಳ್ಳಲಾಗಿದೆ.

ನಿದ್ದೆಗೈಯುತ್ತಿರುವ ಯುವಕರನ್ನು ಕವಿಯು ಎಚ್ಚರಗೊಳಿಸುತ್ತಿರುವ ಸಂದರ್ಭವಿದಾಗಿದೆ. ಯೌವನವಿರುವಾಗ ಎದ್ದು ಬದುಕನ್ನು ಸವಿಯಲೆಂಬ ಆಸೆ ಕವಿಯದು. ಆದರೆ ಬೆಳಗು ಜಾವ ಮೂಡಿದ್ದರೂ ನಿದ್ದೆಯಲ್ಲಿ ಮೈಮರೆತಿದ್ದಾರೆ ಕಿರಿಯರು. ಆದ್ದರಿಂದ ಕವಿಯು “ಕೋಳಿ ಕೂಗಿಯಾಗಿದೆ. ಇನ್ನಾದರೂ ತಡಮಾಡದೆ ಜೀವನದ ರಸ(ಅನುಭವ)ವನ್ನು (ಪಾನಕೇಳಿ) ಕುಡಿಯಲು ಎದ್ದೇಳಿ. ಯೌವನವಿರುವುದು ದುಡಿದು ಸಂಪಾದಿಸಲು. ಜೀವನವೆಂಬ ನದಿಯಲ್ಲಿ ಯಾವಾಗಲೂ ಸೆಳೆತ ಜಾಸ್ತಿ. ಈಗ ಬದುಕಿದ್ದವರು ಇನ್ನೊಂದು ಗಳಿಗೆಯಲ್ಲಿ ಸಾವನ್ನಪ್ಪಬಹುದು. ಯಾವಾಗ ಯಾರಿಗೆ ಹೇಗೆ ಸಾವು ಬಂದೆರಗುತ್ತದೆಂಬುದು ತಿಳಿಯದು. ಸಾವನ್ನಪ್ಪಿದ ಮೇಲೆ ಈ ಭೂವನದ ಬದುಕು ಅಂತ್ಯಗೊಂಡಂತೆ, ಸತ್ತ ಮೇಲೆ ತಿರುಗಿ ಇಲ್ಲಿಗೆ ಬಂದವರು ಯಾರೂ ಇಲ್ಲ. ಹಾಗೆ ಬರುವುದು ಸಾಧ್ಯವೂ ಇಲ್ಲ” ಎಂದಿದ್ದಾರೆ. ಸಾವು ಬರುವ ಮುನ್ನ ಬದುಕನ್ನು ಸಾರ್ಥಕಪಡಿಸಿಕೊಳ್ಳಬೇಕೆಂಬ ಅಪೇಕ್ಷ ಕವಿಯದಾಗಿದೆ.

ಶ್ರೀಮತಿ ಲಲಿತಾ ಸಿದ್ದಬಸವಯ್ಯ ಅವರು ಬರೆದಿರುವ ‘ಒಂದು ಹೂ ಹೆಚ್ಚಿಗೆ ಇಡುತೀನಿ’ ಎಂಬ ಕವಿತೆಯಿಂದ ಈ ಮೇಲಿನ ಪದ್ಮಭಾಗವನ್ನು ಆಯ್ದುಕೊಳ್ಳಲಾಗಿದೆ.

ವಯಸ್ಸಾದ ತಂದೆ-ತಾಯಿಗಳನ್ನು ಮಕ್ಕಳು ಪ್ರೀತಿಯಿಂದ ನೋಡಿಕೊಳ್ಳದೆ ಅಪ್ಪ-ಅಮ್ಮನನ್ನು ಹಂಚಿಕೊಂಡು ಆ ವಯೋವೃದ್ಧ ಜೀವಗಳನ್ನು ಬೇರ್ಪಡಿಸುವ ಸಂದರ್ಭವನ್ನು ಕವಿಯತ್ರಿ ಇಲ್ಲಿ ಚಿತ್ರಿಸಿದ್ದಾರೆ.

ಇಬ್ಬರು ಗಂಡು ಮಕ್ಕಳು ತಮ್ಮ ಅಪ್ಪ-ಅಮ್ಮಂದಿರನ್ನು ಹಂಚಿಕೊಂಡಿದ್ದಾರೆ. ಮುದುಕಿ ಇರುವುದು ದೊಡ್ಡ ಮಗನ ಬಳಿ, ಸದ್ಯ ಅವಳಿರುವುದು ಕನ್ನಡ ಮಾತನಾಡುವ ಪರಿಸರದಲ್ಲಿ. ಮಗ-ಸೊಸೆ ಹೊರಗಡೆಗೆ ಹೋದಾಗಲಾದರೂ ಅವರಿವರೊಂದಿಗೆ ನಾಲ್ಕು ಮಾತನಾಡಿ ಬಾಯಿತುರಿಕೆ ತೀರಿಸಿಕೊಳ್ಳುವ ಅವಕಾಶ ಅವಳಿಗಿದೆ. ಆದರೆ ಆಕೆಯ ಪತಿ ಇರುವುದು ಕಿರಿಮಗ-ಸೊಸೆಯೊಂದಿಗೆ ದೂರದ ಅಸ್ಸಾಮಿನಲ್ಲಿ. ಅಲ್ಲಿಯ ಅಸ್ಸಾಮಿ ಭಾಷೆ ಅವನಿಗೆ ಸ್ವಲ್ಪವೂ ಬರುವುದಿಲ್ಲ. ಆತನಿಗೆ ಬರುವುದು ಕನ್ನಡ ಭಾಷೆ ಮಾತ್ರ ಯಾರೊಂದಿಗೂ ಮಾತನಾಡಲಾಗದ ಅಸಹಾಯಕತೆ ಆತನದೆಂದು ಮುದುಕಿ ಚಿಂತಿಸುತ್ತಾಳೆ. ಜವಾಬ್ದಾರಿಯ ಹೆಸರಲ್ಲಿ ಹಿರಿಯ ಜೀವಗಳನ್ನು ಆಗಲಿಸಿರುವ ಇಂದಿನ ಮೌಲ್ಯರಹಿತ ವ್ಯವಸ್ಥೆಗೆ ಈ ಮೇಲಿನ ಸಾಲುಗಳು ಕನ್ನಡಿ ಹಿಡಿದಿವೆ.

ಮೂರು ಅಂಕಗಳಿಗೆ ಸಂದರ್ಭ ಸ್ವಾರಸ್ಯ ವಿವರಿಸುವಾಗ ಮತ್ತು ಐದು ಅಂಕಗಳಿಗೆ ಪದ್ಯದ ಭಾವಾರ್ಥ ಬರೆಯುವಾಗ ಆರಂಭದಲ್ಲಿ ಕವಿ ಕೃತಿ ವಿವರ ನೀಡುವುದು ಅಪೇಕ್ಷಣೀಯ ಖತ್ಯಪುಸ್ತಕದಲ್ಲಿರುವ ಕವಿ ಕಾವ್ಯ ಬೇಖಕರ ಪರಿಚಯ ಭಾಗವನ್ನು ವಿವರವಾಗಿ ಅಭ್ಯಾಸ ಮಾಡಿರಿ. ನೆನಪಿಟ್ಟುಕೊಳ್ಳುವ ಸಲುವಾಗಿ ಈ ಮುಂದೆ ನೀಡಿರುವ ಆಂಕಣಗಳಲ್ಲಿ ವಿವರವನ್ನು ತುಂಬಿರಿ.

ಕ್ರ.ಸಂ.	ಕವಿಯ/ಲೇಖಕರ ಹೆಸರು	ಕಾವ್ಯನಾಮ (ಅಂಕಿತ, ಜನನ)	ಕೆಲವು ಕೃತಿಗಳ ಹೆಸರು
	ಉದಾ: ಬಸವಣ್ಣ	ಅಭಿನವ ಪಂಪ	ಶ್ರೀರಾಮಚಂದ್ರಚರಿತ ಪುರಾಣ, ಮಲ್ಲಿನಾಥ ಪುರಾಣ
೧	ಬಸವಣ್ಣ	ಅಂಕಿತ: ಕೂಡಲಸಂಗಮದೇವ	ಕಾಲ: ೧೨ನೆಯ ಶತಮಾನ
೨	ಉರಿಲಿಂಗಪೆದ್ದಿ	ಅಂಕಿತ: ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ	ಕಾಲ: ೧೨ನೆಯ ಶತಮಾನ
೩	ಗದುಗಿನ ನಾರಾಣಪ್ಪ	ಕಾವ್ಯನಾಮ: ಕುಮಾರವ್ಯಾಸ	ಕೃತಿ: ಕರ್ಣಾಟ ಭಾರತ ಕಥಾಮಂಜರಿ
೪	ಪುಲಿಗೆರೆ ಸೋಮವಾಥ	ಕಾವ್ಯನಾಮ: ಹರಿಹರಾ ಶ್ರೀಚೆನ್ನಸೋಮೆಶ್ವರಾ	ಕೃತಿ: ಸೋಮೇಶ್ವರ ಶತಕ
೫	ಶ್ರೀನಿವಾಸನಾಯಕ	ಅಂಕಿತ: ಪುರಂದರದಾಸ	ಕಾಲ: ೧೪೮೪ – ೧೫೬೪
೬	ದ.ರಾ. ಬೇಂದ್ರೆ	ಕಾವ್ಯನಾಮ: ಅಂಬಿಕಾತ್ತನಯದತ್ತ	ಕೃತಿ: ಮುಕ್ತಕಂಠ
೭	ಜಿ.ಎಸ್.ಶಿವರುದ್ರಪ್ಪ	ಕಾಲ: ೧೯೨೬ – ೨೦೧೩	ಕೃತಿ: ಜಿ. ಎಸ್.‌ ಎಸ್.‌ ಸಮಗ್ರ ಕಾವ್ಯ
೮	ಕೆ.ಎಸ್.ನಿಸಾರ್‌ ಅಹಮದ್	ಜನನ: ೫.೨.೧೯೩೬	ಕೃತಿ: ವ್ಯಕ್ತಿಪರ ಕವನಗಳು
೯	ಟಿ.ಯಲ್ಲಪ್ಪ	ಜನನ: ೨.೧೦.೧೯೭೦	ಕೃತಿ: ಚಿಟ್ಟೆ ಮತ್ತು ಜೀವಯಾನ
೧೦	ಲಲಿತಾ ಸಿದ್ಧಬಸವಯ್ಯ	ಜನನ: ೧೭.೦೨.೧೯೫೫	ಕೃತಿ: ಮೊದಲಸಿರಿ, ಕಬ್ಬೆನೆಲ
೧೧	ಸುಕನ್ಯಾ ಮಾರುತಿ	ಜನನ: ೧.೩.೧೯೫೬	ಕೃತಿ: ನಾನೆಂಬ ಮಾಯೆ
೧೨	ಪಿ. ಲಂಕೇಶ್	ಕಾಲ: ೧೯೩೫ – ೨೦೦೦	ಕೃತಿ: ಲಂಕೇಶರ ಸಮಗ್ರ ಕಥೆಗಳು
೧೩	ಕೃಪಾಕರ , ಸೇನಾನಿ	ಜನನ: ೧೯೫೬ – ೧೯೬೨	ಕೃತಿ: ಜೀವಯಾನ
೧೪	ನೇಮಿಚಂದ್ರ	ಜನನ: ೧೬.೭.೧೯೫೬	ಕೃತಿ: ಬದುಕು ಬದಲಿಸಬಹುದು
೧೫	ಹಾ.ಮಾ ನಾಯಕ	ಕಾಲ: ೧೯೩೧ – ೨೦೦೧	ಕೃತಿ: ಕನ್ನಡವನ್ನು ಕಟ್ಟುವ ಕೆಲಸ
೧೬	ಹೆಚ್. ನಾಗವೇಣಿ	ಜನನ: ೨೯.೧೧.೧೯೬೭	ಕೃತಿ: ಮೀಯುವ ಆಟ
೧೭	ಎಚ್. ಆರ್.‌ ರಾಮಕೃಷ್ಣರಾವ್	ಜನನ: ೩೦.೦೫.೧೯೩೫	ಕೃತಿ: ಕಲಾಂ ಮೇಷ್ಟ್ರು
೧೮	ನಂದಳಿಕೆ ಲಕ್ಷ್ಮೀನಾರಾಯಣಪ್ಪ	ಕಾವ್ಯನಾಮ: ಮುದ್ದಣ್ಣ	ಕೃತಿ: ರಾಮಾಶ್ವಮೇಧ ಸಂಗ್ರಹ
೧೯	ವೀರೇಂದ್ರ ಸಿಂಪಿ	ಜನನ: ೧೯೩೮	ಕೃತಿ: ಸಮಗ್ರ ಲಲಿತ ಪ್ರಬಂಧಗಳು
೨೦	ಕೆ.ಪಿ. ಪೂರ್ಣಚಂದ್ರ ತೇಜಸ್ವಿ	ಕಾಲ: ೧೯೩೮ – ೨೦೦೭	ಕೃತಿ: ಕಿರುಗೂರಿನ ಗಯ್ಯಾಳಿಗಳು